ನನ್ನ ನಿನ್ನ ಬಗ್ಗೆ ಒಂದೆರಡು ಮಾತು….

ಮಾರ್ಚ್ 27, 2007 at 3:20 ಫೂರ್ವಾಹ್ನ (ಹನಿ ಹನಿ...ಇಬ್ಬನಿ...)

Mar 15

ನನ್ನ ನಿನ್ನ ಬಗ್ಗೆ ಒಂದೆರಡು ಮಾತು….
ಕಣ್ಣು ರೆಪ್ಪಿಯಾಂಗ
ನಂಗ ನಿಂಗ ಬೆಸೇದು
ರೂಪಿಸ್ಯಾನ ಅಂಗ…
ಅರ್ಥವಿಷ್ಟೇ ಕೇಳ್ ಸಖಿ
ಅವನ ಕಲ ಕುಸುಮಕೆ
ನಾವೇ ಭಾವ brunga…..
~ ಶಿವಪ್ರಸಾದ್

Permalink ನಿಮ್ಮ ಟಿಪ್ಪಣಿ ಬರೆಯಿರಿ

ಮಣ್ಣು….

ಮಾರ್ಚ್ 27, 2007 at 3:13 ಫೂರ್ವಾಹ್ನ (ಹನಿ ಹನಿ...ಇಬ್ಬನಿ...)

ಮಣ್ಣು….

ಹೋಂಗನಸ ಬಾನಿನಲಿ
ನಲಿವ ಕನಸೋಳಗೂಡಿ
ಹೆಂಗೋಸಿನಂತೊಮ್ಮೆ ಆಡಲೇನೇ….
ಹೆತ್ತ ಜಗವೋಮ್ಮೆನ್ನ
ಮುದ್ದು ಚಿನ್ನ ಎನಲು
ಮಣ್ನಾಗಿ ನಾ ಅವಳ ಸೆರಲೇನೇ…..
(ನಾನು ಹೋಗಲು ಅಪ್ಪಣೆಯನ್ನು ಕೊಡುವೆಯ….)
~ಶಿವಪ್ರಸಾದ್

Permalink ನಿಮ್ಮ ಟಿಪ್ಪಣಿ ಬರೆಯಿರಿ

ಅವತಾರ….

ಮಾರ್ಚ್ 27, 2007 at 2:59 ಫೂರ್ವಾಹ್ನ (ಹನಿ ಹನಿ...ಇಬ್ಬನಿ...)

ಅವತಾರ….

ಗೆಳತಿ ಎನ್ನುವ ಪರದೆ
ಸರಿ ಸಿದೆ ಹೃದಯ
ನಲ್ಲೇ ಎನ್ನುವ ನುಡಿಯ ಕಲಿತು…..
ಅವಳ ನಗೆಯ…. ಅದರ ಬಗೆಯ
ಜಾಡು ಹಿಡಿಯ ಹೊರಟಿದೆ
ಮೌನದ ಅವತಾರವೆತ್ತಿ ಪ್ರೀತಿ ಬಲಿತು….
(ಸ್ನೇಹವೇ ಗುಡಿಯು….ಪ್ರೀತಿಯೇ ದೇವರು…)

~ಶಿವಪ್ರಸಾದ್

Permalink ನಿಮ್ಮ ಟಿಪ್ಪಣಿ ಬರೆಯಿರಿ

ಆಹ್ವಾನ…

ಫೆಬ್ರವರಿ 25, 2007 at 3:55 ಅಪರಾಹ್ನ (ಹನಿ ಹನಿ...ಇಬ್ಬನಿ...)

ಆ ಬಾನ ದಾಟೋಣ

ಈ ಕಣ್ಣ ತೆರೆಯೋಣ

ಬಾನ ಬಣ್ಣಕೂ ಮೀರಿ

ಮಿನುಗೋಣು ಬಾರ….

ಚುಕ್ಕಿ ಚಂದ್ರಮರ ಎದೆಯ

ಮೇಲೆ ಮೆಲ್ಲಡಿಯಿಡುತಾ

ಮಣ್ಣಿಂದ ಮಣ್ಣಿಗೆ

ಜಾರೋಣು ಬಾರಾ…

                                       ~ಶಿವಪ್ರಸಾದ್ ಹಳಿಮನಿ

Permalink ನಿಮ್ಮ ಟಿಪ್ಪಣಿ ಬರೆಯಿರಿ

ಕನಸಲ್ಲಿ ಗಾಂಧಿ ರಸ್ತೆ

ಫೆಬ್ರವರಿ 25, 2007 at 3:51 ಅಪರಾಹ್ನ (ಹನಿ ಹನಿ...ಇಬ್ಬನಿ...)

ಮಹಾತ್ಮ ಗಾಂಧಿಯ

ಹೆಸರನ್ನೊತ್ತ ರಸ್ತೆ

ಅವನಂತೆ ನೇರ ವ್ಯಕ್ತಿತ್ವವನ್ನು

ಸಾರುವಂತೆ ಸೆರಗ ಹೊದ್ದು ನಿಂತಿದ್ದಳು

ಕನ್ನಡತಿಯೇ ನಾಚುವಂತೆ….(ಕನಸಲ್ಲಿ)

                {ಇಲ್ಲಿ ರಸ್ತೆ ಅವಳಾಗಿದ್ದಳು}

                         ~ ಶಿವಪ್ರಸಾದ್ ಹಳಿಮನಿ

Permalink ನಿಮ್ಮ ಟಿಪ್ಪಣಿ ಬರೆಯಿರಿ

ಹನಿ ಮುತ್ತಾದ ಹೊತ್ತು

ಫೆಬ್ರವರಿ 25, 2007 at 3:47 ಅಪರಾಹ್ನ (ಹನಿ ಹನಿ...ಇಬ್ಬನಿ...)

ಭದ್ರವಾಗಿದ್ದ ಹೃದಯ

ಕೋಟೆಯ ಒಳಗೆ

ಅದು ಹೇಗೆ ಹೊಕ್ಕೆನೋ

ಕಾಣೆ?…. ನಾನು ಹನಿ….

ಹೊರಬರುವಾಗ ನಲ್ಲೆ

ಹಾಲುಗೆನ್ನೆಯ ಮೇಲೆ ಮುತ್ತಾಗಿ ಹೋಗಿದ್ದೆ….

                                               ~ಶಿವಪ್ರಸಾದ್ ಹಳಿಮನಿ

Permalink ನಿಮ್ಮ ಟಿಪ್ಪಣಿ ಬರೆಯಿರಿ

ತುಟಿಗಳೊಳಗೆ ಮುತ್ತಾಗಿ….

ಫೆಬ್ರವರಿ 25, 2007 at 3:44 ಅಪರಾಹ್ನ (ಹನಿ ಹನಿ...ಇಬ್ಬನಿ...)

ನಿನ್ನ ಮೈ ಸ್ಪರ್ಶಕೆ

ಮನ ಕರಗಿ ಆವಿಯಾಗಿತ್ತು

ದಿಟ್ಟಿಸುವ ಸೂರ್ಯನನ್ನು ಎದುರಿಸಿ

ಆದರೆ ಬಹಳ ಹೊತ್ತು ನಿಲ್ಲಲಾಗಲಿಲ್ಲ..

ಒಡೆದ ತುಟಿಗಳ ಮೇಲೆ

ಒಣಗಿದ ಹನಿಗಳನ್ನು

ಕಂಡು ಕರಗಿ ಹೋಗಿದ್ದೆ

ಕಣ್ತೆರೆಯುವ ಮೊದಲೇ

ಅಪ್ಪಿದ ತುಟಿಗಳೊಳಗೆ…ಮುತ್ತಾಗಿದ್ದೆ….

                                                ~ಶಿವಪ್ರಸಾದ್ ಹಳಿಮನಿ

Permalink ನಿಮ್ಮ ಟಿಪ್ಪಣಿ ಬರೆಯಿರಿ

ನಾಚಿಕೆ…

ಫೆಬ್ರವರಿ 25, 2007 at 3:40 ಅಪರಾಹ್ನ (ಹನಿ ಹನಿ...ಇಬ್ಬನಿ...)

ಪ್ರತಿಯೊಂದು ಮಾತು

ಕೊನೆಯಾದಾಗಲೆಲ್ಲ ಏನೋ ತುಡಿತ,

ಏನೋ ಭಯ

ಜೊತೆಜೊತೆಗೆ ನಾಚಿಕೆ

ಎಷ್ಟು ಬೇಗ ಮುಗಿಸಿದೆಯೆಂದು….

                                          ಈ ಕವನವೂ….

                                          ~ಶಿವಪ್ರಸಾದ್ ಹಳಿಮನಿ

Permalink ನಿಮ್ಮ ಟಿಪ್ಪಣಿ ಬರೆಯಿರಿ

ಮೂರ್ಖ….

ಫೆಬ್ರವರಿ 25, 2007 at 3:36 ಅಪರಾಹ್ನ (ಹನಿ ಹನಿ...ಇಬ್ಬನಿ...)

ಹೇ ಮನಸೇ… ನಿನ್ನಂತಹ

ಶತಃಮೂರ್ಖ ಇನ್ನೊಬ್ಬನಿಲ್ಲ.

ನಿನ್ನಾಕೆಯ ಕೈಗಳನ್ನಿಡಿದು ನೀನು

ಹೊರಟಾಗಲೆಲ್ಲ ನಾನು ಮುಖವನ್ನು

ಕೆಳಗೆ ಮಾಡಿ ಕಳ್ಳನಂತೆ ನೊಡುತ್ತಿದ್ದೆ…

ಆದರೆ ನನಗಿಂತ ಮೋಸಗಾರನು ನೀನು

ನನಗೆ ಕೇಳದಂತೆಯೇ ಪಿಸುಗುಡುತ್ತಿದ್ದೆ

ನಿನಗೆ ಕಣ್ಣಾಗುವೆ ಎಂದು….

                                        ~ಶಿವಪ್ರಸಾದ್ ಹಳಿಮನಿ

Permalink ನಿಮ್ಮ ಟಿಪ್ಪಣಿ ಬರೆಯಿರಿ